സസ്യാരാമമായ കേരളത്തിലെ വയലേലകളിലും കായലോരങ്ങളിലും ഗ്രാമമൂലകളിലും വളരുന്ന 740 സസ്യങ്ങളുടെ ചിത്രങ്ങളും അവയെപ്പറ്റിയുള്ള വിവരണങ്ങളും ഹോര്‍ത്തൂസ്മ ലാറിക്കൂസിന്‍റെ പ്രത്യേകതയാണ്. പഠനവിധേയമായസസ്യത്തിന്‍റെ ചിത്രം ആദ്യപേജിലും വിവരണങ്ങള്‍ മറുപുറങ്ങളിലുമായാണ് മുദ്രണം ചെയ്തിരിക്കുന്നത്. ചിത്രത്തോടൊപ്പം മലയാളം, അറബിക്, ലാറ്റിന്‍, സംസ്കൃതം എന്നീ നാലു ഭാഷകളില്‍ ഓരോന്നിന്‍റെയും പേരുവിവരം രേഖപ്പെടുത്തിയിരിക്കുന്നു.വിവരണം സമ്പൂര്‍ണമായും ലത്തീന്‍ ഭാഷയിലാണ്. 14 ഇഞ്ച്നീളവും എട്ടര ഇഞ്ച് വീതിയുമുള്ള വലിയ പേപ്പറുകളിലാണ്ഓരോ പേജും അച്ചടിച്ചിരിക്കുന്നത്.
സസ്യശാസ്ത്ര ചരിത്രത്തിലെ ശുക്രനക്ഷത്രം
ഹോളണ്ടിന്‍റെ തലസ്ഥാന നഗരിയായ ആംസ്റ്റര്‍ഡാമില്‍ 1678-ലാണ് ഹോര്‍ത്തൂസ് മലബാറിക്കൂസിന്‍റെ ഒന്നാം വാല്യം മുദ്രണം ചെയ്തത്. 1693-ല്‍ പന്ത്രണ്ടാം വാല്യം പ്രകാശിതമായതോടു കൂടി അതിന്‍റെ അച്ചടിപൂര്‍ത്തിയായി. പന്ത്രണ്ടു വാല്യങ്ങളിലുമായി 1616 പേജുകളാണ്ഗ്രന്ഥത്തിലുള്ളത്. സസ്യശാസ്ത്ര നഭസ്സില്‍ ഒരു ശുക്രനക്ഷത്രം ഉദിച്ചുയര്‍ന്നു എന്ന് അക്കാലത്തെ ശാസ്ത്രകാരന്മാര്‍ ഈ ബൃഹത്ഗ്രന്ഥത്തെ വാഴ്ത്തി. ആധുനിക സസ്യശാസ്ത്രത്തിന്‍റെ പിതാവെന്ന അപരനാമത്താല്‍ അറിയപ്പെടുന്ന ലിന്നീസ് ഈ ഗ്രന്ഥത്തിന്‍റെ പ്രാധാന്യത്തെ തന്‍റെ പ്രബന്ധങ്ങളിലും പ്രസംഗങ്ങളിലും വാനോളം പുകഴ്ത്തി. ലോകത്തില്‍ അന്നോളം ഉണ്ടായിട്ടുള്ള ആധികാരികവും അമൂല്യവുമായ സസ്യശാസ്ത്ര ഗ്രന്ഥങ്ങള്‍ വാന്‍ റീഡിന്‍റെ ഹോര്‍ത്തൂസും ഡില്ലെ യിനസിന്‍റെ ഹോര്‍ത്തൂസ് ഹെര്‍ത്താമെന്‍സിസും ആണെന്ന് അദ്ദേഹംരേഖപ്പെടുത്തി.
